Італія выклікала «на дыван» амбасадара РФ

• 30.07.2025, 14:33

Гісторыя са скасаваннем канцэрту «сябра Пуціна» атрымала працяг.

Міністр замежных спраў Італіі Антоніё Таяні выклікаў амбасадара Расеі, каб афіцыйна выказаць пратэст у сувязі з уключэннем прэзідэнта Серджа Матарэлі і іншых прадстаўнікоў дзяржаўных інстытутаў у так званы спіс «русафобаў».

Пра гэта гаворыцца ў афіцыйнай заяве МЗС краіны.

Таяні расцэньвае ўключэнне кіраўніка дзяржавы ў спіс «русафобаў» як прамую правакацыю супраць Італіі і італійскага народа.

Кіраўнік італійскага замежнага палітычнага ведамства таксама выказаў поўную інстытуцыйную і асабістую салідарнасць з прэзідэнтам Матарэлам.

Нядаўна кіраўніцтва каралеўскага палаца Казерта ў Італіі скасвала канцэрт з удзелам расейскага дырыжора і «сябра Пуціна» Валерыя Гергіева пасля значнага рэзанансу і пратэсту ўкраінскай грамады.

У кантэксце гэтага скандалу міністр культуры Алесандра Джулі заяўляў, што мастацтва павінна быць свабодным ад цэнзуры, аднак падкрэсліваў, што ў выпадку Гергіева гаворка ідзе не пра мастацтва, а пра прапаганду.

А прэс-сакратарка МЗС РФ Захарава заявіла, што вакол прыезду «сусветна вядомага маэстра» на італьянскі фестываль «быў штучна разадзьмуты сапраўдны скандал».