Пад Гародняй злавілі сома-гіганта

• 29.07.2025, 17:54

Даўжыня рыбіны - большая за 170 см.

Пад Гародняй рыбакі злавілі сома, які быў памерам з чалавека.

Гэты незвычайны ўлоў стаў сапраўднай падзеяй для мясцовых аматараў рыбалкі, піша партал NewGrodno.by. Гарадзенцы Максім і Ала адправіліся на Нёман у пошуках судака, але іх чакаў сюрпрыз.

Увечары нешта ўзялося, і яны адразу зразумелі - гэта незвычайная рыбіна. Пасля амаль паўтары гадзіны напружанай барацьбы гарадзенцам удалося выцягнуць з вады гіганцкага сома даўжынёй блізу 170 см.