Зяленскі зрабіў заяву пра новы дэдлайн Трампа для Пуціна

• 28.07.2025, 21:27

Прэзідэнт ЗША даў кіраўніку Крамля 10/12 дзён.

Пастанова прэзідэнта ЗША Дональда Трампа скараціць дэдлайн для расейскага дыктатара Уладзіміра Пуціна – гэта праява сілы, якая можа наблізіць мір.

Пра гэта паведамляе Charter97.org са спасылкай на прэзідэнта Украіны Уладзіміра Зяленскага ў сацсетцы X.

«Выразная пазіцыя і выяўленая катэгарычнасць прэзідэнта ЗША – якраз своечасова, калі шмат што можа змяніцца дзякуючы сіле дзеля сапраўднага міру. Я дзякую прэзідэнту Трампу за ягоную засяроджанасць на выратаванні жыццяў і спыненні гэтай жудаснай вайны», – адзначыў Зяленскі.

Прэзідэнт дадаў, што Украіна ўсё гэтак сама адданая міру. Кіеў хоча нястомна працаваць з Вашынгтонам, каб зрабіць абедзве краіны больш бяспечнымі, моцнымі і расквітнелымі.