У адным з беларускіх гарадоў правядуць бясплатныя экскурсіі

• 28.07.2025, 20:10

Дзе і калі.

Цэнтрам святкавання Дня беларускага пісьменства сёлета стане Ліда. Мерапрыемствы пройдуць 7 верасня, праграма абяцае быць насычанай.

У гэты дзень у горадзе будуць арганізаваныя бясплатныя экскурсіі, паведамляе Нацыянальнае агенцтва турызму. Мясцовыя экскурсаводы пазнаёмяць гасцей горада з яго гісторыяй, культурай і цікавымі мясцінамі.

Удзел бясплатны, але патрэбная папярэдняя рэгістрацыя. Гэта можна зрабіць тут.

Што яшчэ будзе ў праграме свята? Абяцаюць шмат тэматычных пляцовак, выставак, інтэрактыўных забаваў і прэзентацый літаратурных навінак. Праграма стартуе ўжо 6 верасня.