Дрон, які заляцеў з Беларусі ў Літву, дагэтуль у паветры

• 28.07.2025, 11:05

Трываюць яго пошукі.

Літоўская паліцыя працягвае пошукі дрона, які заляцеў у балтыйскую краіну раніцай у панядзелак з Беларусі, паведамляе Delfi.

"Месцазнаходжанне аб'екта невядомае. Пошук дрона працягваецца", - паведаміла агенцтву ELTA прадстаўніца Дэпартамента паліцыі Рэвіта Янавічуце.

Паводле яе, у пошуках задзейнічаныя «ўсе паліцыйныя сілы» ды іншыя службы.

Літоўскія праваахоўнікі атрымалі інфармацыю, што дрон бачылі каля Авізеняў. Ён накіроўваўся ў бок Вількаміра. Таксама ў паліцыю паступалі паведамленні, што ён рухаўся ў бок Беларусі.

"Грамадзяне, якія заўважылі дрон, што ўпаў, заклікаюцца не набліжацца да яго і неадкладна паведаміць праз тэлефон 112», — гаворыцца ў экстранным паведамленні паліцыі.