На аўкцыёне прадаюць легендарны Ferrari F40 у рэдкай версіі

• 27.07.2025, 21:09

Такіх аўтамабіляў выпусцілі ўсяго 19 адзінак.

На аўкцыёне RM Sotheby's у сярэдзіне жніўня выставяць сапраўднага аднарога. Культавы суперкар з мінулага Ferrari F40 ды яшчэ і ў рэдкай трэкавай версіі. Жадаюць выручыць за машыну нямала.

Усяго Ferrari выпусціла больш за 1300 адзінак F40. І толькі 19 з іх атрымалі трэкавую спецыфікацыю LM, якую спраектаваў вядомы італьянскі інжынер Джавані Мікелота.

На спорткары ўсталяваны самы магутны рухавік з тых, што былі даступныя для F40.

Стокавы 2,9-літровы V8 развіваў 478 к.с. Для гоначнай серыі IMSA рухавік фарсіравалі да 720 к.с.- вынік, які ўражваў у пачатку 1990-х.

Для еўрапейскіх этапаў гонак раскачагарылі рухавік да 760 к.с. Менавіта такі, фарсіраваны , V8 стаіць на F40, які з’явіцца на аўкцыёне.

Мікелота на адным рухавіку не спыніўся, пераналадзіў падвеску, прынізіў дарожны прасвет і ўсталяваў больш магутныя тармазы.

Вонкава трэкавая F40 таксама адрозніваецца; арыгінальны капот і масіўны задні спойлер. Інтэр'ер F40 LM выканалі паводле ўсіх гоначных канонах.

За рэдкую гармату-гонку 1993 года выпуску прадавец разлічвае атрымаць да 9,5 млн.даляраў.