Самалёт з Пясковым некалькі гадзін не мог вылецець з Масквы праз атаку дронаў

• 27.07.2025, 20:08

Прэс-сакратар Пуціна ляцеў у Санкт-Пецярбург.

Праз атаку ўкраінскіх дронаў на Ленінградскую вобласць РФ самалёт з прэс-сакратаром расейскага дыктатара Дзмітрыем Пясковым некалькі гадзін не мог вылецець з Масквы ў Санкт-Пецярбург.

Пра гэта заявіў расейскі прапагандыст Аляксандр Юнашаў, які апублікаваў відэа з самалёта.

Юнашоў сцвярджае, што самалёт павінен быў узляцець а 9:30, акрамя Пяскова ў ім таксама знаходзіўся памочнік Пуціна Аляксей Дзюмін.

Са слоў прапагандыста, праз атаку беспілотнікаў быў абвешчаны план “Дыван” і самалёт з Пясковым і Дзюмінам узляцеў на дзве гадзіны пазней.

27 ліпеня расейскую Ленінградскую вобласць атакавалі больш за дзесяць беспілотнікаў. Раней з паветранымі атакамі такой інтэнсіўнасці Ленінградская вобласць не сутыкалася.