Стармер і Трамп абмяркуюць шляхі заканчэння вайны РФ супраць Украіны

• 27.07.2025, 14:23

Падчас візіту прэзідэнта ЗША ў Шатландыю.

Падчас візіту прэзідэнта ЗША Дональда Трампа ў Шатландыю прэм'ер-міністр Вялікабрытаніі Кір Стармер плануе абмеркаваць з ім, сярод іншага, шляхі заканчэння вайны Расеі супраць Украіны.

Пра гэта паведамляе The Telegraph.

Як чакаецца, падчас размовы Стармера з Трампам гаворка пойдзе пра далейшую падтрымку Украіны.

Таксама адзначаецца, што падчас сустрэчы ў Шатландыі стораны абмяркуюць шляхі спынення расейска-ўкраінскай вайны, асабліва з улікам апошніх заяў Трампа з крытыкай на адрас расейскага дыктатара Уладзіміра Пуціна.

Са звестак выдання, Стармер і Трамп таксама засяродзяцца на гандлёвым пагадненні, укладзеным паміж Брытаніяй і ЗША ў траўні, і абмяркуюць спыненне агню ў сектары Газа.