Выратавальнік з Жодзіна «паўтарыў» легендарную штуку Ван Дама
- 27.07.2025, 13:02
Відэа скарыла сацсеткі.
SMM-нікі беларускага МНС апублікавалі на афіцыйнай TikTok-старонцы ведамства чарговы вірусны ролік, які скарыў сацсеткі. Яго героем стаў выратавальнік з Жодзіна, які «паўтарыў легендарную штуку Жан Клод Ван Дама».
У арыгінальнай штуцы амерыканскі актор садзіцца на папярочны шпагат, стоячы на люстэрках задняга абзору двух грузавікоў, якія едуць побач заднім ходам. Эфектную штуку паказалі ў рэкламным роліку кампаніі Volvo ў 2013 годзе. З тых часоў ён стаў вірусным і паўтараўся ў самых розных варыяцыях — ад легкавых аўто да катараў і нават танкаў з БелАЗамі.
І вось да Дня пажарнай службаў, які ў Беларусі адзначаецца 25 ліпеня, у МНС выпусцілі ролік, у якім легендарную штуку паўтарыў і выратавальнік з Жодзіна, сеўшы на шпагат на лопасцях гелікаптэра выратавальнай службы. Нягледзячы на тое, што ролік відавочна быў зроблены з дапамогай кампутарных тэхналогій і носіць гумарыстычны характар, гледачы ў TikTok прынялі яго вельмі цёпла. Ён тут жа завірусіўся, набраўшы за дзень больш за 770 тысяч праглядаў і 87 тысяч падабаек.
Дарэчы, арыгінальную штуку Ван Дам выконваў на рэальнай пляцоўцы і адзінае ўмяшанне кампутарнай графікі ў ім, як сцвярджалі яго аўтары — невялікая колеракарэкцыя. Кампанія Volvo Trucks пазіцыянавала гэту штуку як дэманстрацыю стабільнасці і дакладнасці сваёй сістэмы дынамічнага стырнавога кіравання.
Аддаўшы належнае SMM-спецыялістам, якія вядуць сацсеткі беларускага МНС, даўно праславіліся сваімі віруснымі ролікамі, але не перастаюць знаходзіць сюжэты, якія чапляюць увагу гледачоў, каментатары не прамінулі папрактыкавацца ў гумары.
«Не напісана, што выканана прафесіяналамі, не спрабуйце паўтарыць. Я пайшоў спрабаваць», - напісаў адзін з іх.
«Мы гэты нарматыў раз на месяц здавалі, толькі яшчэ з прысяданнем!»- жартам пахваліўся іншы.
«Не, гэта не мантаж, я бачыла на свае вочы», — напісала яшчэ адна глядачка і яе сцвярджэнне падтрымала іншая: «я птушка якая праязджала побач, задавайце пытанні».
Асобную падзяку гледачы выказалі аператару - «за тое што левітаваў і зняў для нас такі ролік».