Кінутыя на разарванне расейскія вайскоўцы трапілі ў пастку УСУ

• 27.07.2025, 11:40

На відэа акупанты скардзяцца, што ўкраінскія набоі б'юць «наскрозь».

Расейскія акупанты трапілі ў пастку, калі эвакуявалі сваіх загінулых. Ім давялося хавацца пад старой падбітай тэхнікай, якую ваяры Сіл абароны Украіны штохвілінна дабівалі дронамі, піша OBOZ.UA.

Відэа, знятае адным з вайскоўцаў РФ, трапіла ў сетку. На апублікаваных кадрах расейскі захопнік паказвае «лісіную нару», дзе ён схаваўся з калегамі падчас эвакуацыі сваіх «двухсотых».

У выніку расейцы апынуліся кінутымі на разарванне украінскім дронам.

Акупант паскардзіўся, што набоі Узброеных Сіл Украіны б'юць «наскрозь».

«Ох, халера, як усіх раскідала. Вось яны тут ляжаць у мяшках запакаваныя (акупанты. - Рэд.). Вось, тут лісіная нара. Прабіта з двух бакоў. Нейкі набой... Наскрозь б'е. Цяпер ляснулі, а ў нас вось люк. Ляціць зноў. Люк адкрыўся. Ён зараз заляціць - і ўсё. Сэнсу знаходзіцца тут не бачу», - сказаў ён.

Вайсковы РФ выказаў здагадку, што неўзабаве УСУ пачнуць закідваць іх гранатамі.

«Зверху будуць скідваць гранаты - і гамон. Больш ні халеры мы не зробім. Удараць у люк. Зноў гудзе», - кажуць акупанты на відэа.