Кім Чэн Ын плануе новае ўмяшанне ў вайну РФ супраць Украіны

• 27.07.2025, 10:04

У Reuters раскрылі падрабязнасці.

Пхеньян можа адправіць дадатковыя войскі ў Расею ўжо ў жніўні 2025 года. Так, за ўзмацненне расейскага войска, КНДР атрымлівае ад Масквы тэхналогіі для запуску спадарожнікаў і навядзення ракет.

Пра гэта паведамляе Reuters са спасылкай на заявы паўднёвакарэйскіх парламентарыяў, а таксама выведкі.

Паўночная Карэя можа адправіць дадатковыя войскі ў Расею ўжо ў жніўні гэтага года для ўдзелу ў вайне супраць Украіны.

«Час дадатковага разгортвання войскаў - магчыма жнівень», - заявіў дэпутат Лі Сонг-Квун (Lee Seong-kweun) пасля закрытай сустрэчы з прадстаўнікамі Нацыянальнай службы выведкі (NIS).

Масква рыхтуецца да маштабнага наступу

Паўднёвакарэйская выведка мяркуе, што Расея плануе буйную наступальную аперацыю супраць Украіны ў жніўні, і магчымы ўдзел Паўночнакарэйскіх падраздзяленняў звязаны менавіта з гэтымі планамі.

Так, Пхеньян ужо пачаў новую мабілізацыю вайскоўцаў для адпраўкі ў Расею.

Акрамя таго, у траўні ў Паўночную Карэю прыязджаў адзін з ключавых прадстаўнікоў Савета бяспекі РФ, што, магчыма, стала часткай каардынацыі.

Узбраенне ў абмен на вайсковыя тэхналогіі

Таксама паведамляецца, што Паўночная Карэя пастаўляе Расеі артылерыйскія набоі і ракеты, а ў абмен атрымлівае тэхнічную дапамогу, у запуску спадарожнікаў і сістэмах навядзення ракет.

Гэтыя дамоўленасці сталі магчымымі ў рамках пакта аб узаемнай абароне, які кіраўнікі КНДР Кім Чэн Ын і РФ Уладзімір Пуцін падпісалі ў чэрвені 2024 года падчас саміту на касмадроме «Усходні».

Збліжэнне Пхеньяна і Масквы выклікае неспакой у рэгіёне. Высокапастаўленыя чыноўнікі Паўднёвай Карэі і ЗША ўжо асудзілі ўдзел КНДР у вайне ва Украіне, заявіўшы, што гэта толькі ўзмацняе канфлікт і ізаляцыю КНДР на сусветнай арэне.