«Дроны ўшчыльную наблізіліся да Пуціна»

• 26.07.2025, 19:39

Пра налёт на Сочы.

У Пуціна ёсць лецішча ў Сочы, дзе ён любіць адпачываць летам, паведаміў палітычны аглядальнік Іван Яковіна, менавіта таму можна меркаваць, што ўкраінскія спецслужбы не проста так ударылі па Сочы, а спрабавалі патрапіць па лецішчы Пуціна.

- Пазаўчора быў налёт украінскіх беспілотнікаў на Сочы. Там выбухі зноў жа грымелі па ўсім горадзе і нават пастаяльцаў гасцініц загналі ў падземныя паркінгі на час гэтага самага нападу, на час паветранай трывогі. Для многіх гэта быў першы вопыт такога кшталту. Па-мойму, гэта быў першы настолькі маштабны налёт на расейскую турыстычную летнюю сталіцу. Чаму сталіцу? Таму што там размешчаная летняя рэзыдэнцыя Пуціна. Ён там улетку праводзіць больш часу, чым у Маскве, чым у Пецярбургу і чым дзе б там ні было яшчэ, - парадаваў добрымі навінамі украінцаў журналіст.

Пасля гэтага Іван Яковіна агучыў цікавую здагадку:

- Магчыма, дарэчы, я не здзіўлюся, калі мы даведаемся, што нейкая частка гэтых дронаў была накіраваная дзеля бамбардзіроўкі менавіта пуцінскай рэзідэнцыі. У прынцыпе, такое магчыма, але ўвогуле там шмат вайсковых аб'ектаў, многіх стратэгічных аб'ектаў, шмат усялякага рознага. Напрыклад, дакладна вядома, што ў выніку гэтага налёту на Сочы ў пасёлку Сірыўс, недалёка ад Сочы, была ўзарваная і загарэлася нафтабаза «Лукойла», і яна гарэла там содні пасля удараў, гэта значыць не безвыніковы налёт атрымаўся.