У Будславе археолагі адкапалі старажытны падмурак касцёла

• 26.07.2025, 18:02

Што ўдалося знайсці?

Падчас археалагічных раскопак у Будславе вучоныя знайшлі каменны фундамент першай царквы, якая, хутчэй за ўсё, была пабудаваная ў першай палове XVII стагоддзя. Пра гэта паведаміў Інстытут гісторыі Нацыянальнай акадэміі навук Беларусі.

Цяпер у Будславе вядзецца рэканструкцыя Касцёла Унебаўзяцця Найсвяцейшай Панны Марыі. Плануецца, што касцёл стане важным каталіцкім цэнтрам краіны. У раскопках удзельнічаюць і гісторыкі з НАН Беларусі.

Падчас даследаванняў былі знойдзеныя часткі старога падмурка - яны часткова знаходзяцца пад сучасным касцёлам, але асноўная частка, у тым ліку і бабінец (пярэдняя частка храма), - за яго межамі.

Паводле звестак археолагаў, будынак меў памеры прыкладна 26 на 13 метраў, быў пакрыты дахоўкай, а сцены пафарбаваныя охрай. Пад касцёлам была размешчаная крыпта - падземнае памяшканне, вераемна, для пахаванняў.

11 траўня 2021 года ў касцёле ў Будславе адбыўся моцны пажар. Пажарныя змагаліся з агнём амаль сем гадзін. У выніку цалкам згарэў дах над цэнтральнай часткай храма, а таксама пацярпеў унікальны барочны арган - самы вялікі ў Беларусі.

Касцёл у Будславе з'яўляецца значным помнікам архітэктуры і гісторыі. Каменны храм узводзіўся з 1633 па 1783гг., а ўпершыню ў дакументах ён згадваецца яшчэ ў 1504 годзе. Сёння ён вядомы як Нацыянальны санктуарый Маці Божай Будслаўскай.