Украінскія байцы знішчылі расейскі комплекс РЭБ «КОП-2»

• 26.07.2025, 15:25

Гэта вельмі дарагая і рэдкая тэхніка.

Байцы Сілаў беспілотных сістэмаў УСУ знішчылі эксперыментальны расейскі комплекс радыёэлектроннай барацьбы «КОП-2» («Комплекс выяўлення і падаўлення – 2»). Для паразы гэтай цэлі спатрэбіліся ўсяго два дроны.

У Telegram-канале Сілаў беспілотных сістэмаў УСУ паведамілі, што «КОП-2» знішчылі аператары 424 батальёна «Svarog». З дапамогай такіх сродкаў РЭБ расейцы спрабуюць знайсці эфектыўнае супрацьдзеянне ўкраінскім беспілотнікам.

Адзначаецца, што «КОП-2» скануе эфір у шырокім дыяпазоне, выяўляе частату, на якой працуе дрон, і спрабуе заглушыць яго магутным сігналам. У Сілах беспілотных сістэмаў УСУ падзяліліся, што гэта вельмі дарагая і рэдкая тэхніка, якую вораг звычайна ўжывае для прыкрыцця важных аб'ектаў.

«Аднак у рэальным баі Коп-2 не вытрымаў сустрэчы з аператарамі батальёна Svarog. Першы іх дакладны стрэл вывеў абсталяванне са строю, а наступны – цалкам знішчыў комплекс», – сказана ў паведамленні.