Украінскія дроншчыкі знішчылі раён абароны акупантаў

• 26.07.2025, 13:06

І сарвалі расейскія штурмы.

Украінскія аператары дронаў ліквідавалі адзін з раёнаў абароны ворага. Абаронцам удалося сарваць намеры РФ ажыццявіць штурмы.

Пра гэта паведамляюць Сілы беспілотных сістэмаў УСУ ў Telegram.

На відэа паказаная праца байцоў 9 асобнай брыгады беспілотных сістэмаў.

На адным з ключавых кірункаў фронту аператары дронаў знішчылі значную колькасць жывой сілы і ўмацаваныя пазіцыі ворага, сарваўшы ягоныя спробы штурмаваць ўкраінскія пазіцыі.

Як адзначылі абаронцы, акупанты спрабавалі дзейнічаць скрытна, назапашвалі асабовы склад у сховішчах і перамяшчаліся пад покрывам ночы.