Польшча гатовая ўстанавіць міны на мяжы з Беларуссю

• 26.07.2025, 10:21

Анджэй Дуда падпісаў закон пра выхад краіны з Атаўскай канвенцыі.

«Беларусь на павадку ў Расеі: што скажа Пуцін – тое і зробіць Лукашэнка. Звярніце ўвагу, з якога кірунку была атакаваная Украіна. З боку Беларусі», – заявіў намеснік міністра абароны Польшчы Павел Бейда. Ён не выключыў мінавання межаў з Беларуссю і Расеяй, паведамляе «Радыё Рацыя».

У сакавіку сёлета міністры абароны Эстоніі, Латвіі, Літвы і Польшчы выступілі з супольнай заявай пра выхад з Атаўскай канвенцыі праз «істотнае пагаршэнне сітуацыі з бяспекай у рэгіёне».