Польскую памежніцу вельмі здзівіў прадмет, які беларус вёз у падарунак сваёй дачцэ

• 26.07.2025, 16:13

Праводзіцца праверка.

У пункце пропуску «Цярэспаль» (з беларускага боку – «Брэст») затрымалі берасцейца, які спрабаваў незаконна правезці ў Польшчу фрагменты біўня і косці маманта. TVN

Падазроны груз памежнікі знайшлі ў багажы і пад адзеннем беларуса.

– Бяроза? – удакладніў польскі памежнік.

– Так, – адказаў берасцеец, удакладніўшы, што гэта «старая бяроза».

– А навошта вы везяце дрэва ў торбе? – пацікавілася памежніца.

– Дачцэ вязу ў падарунак.

– Дрэва для дачкі?

– Так, каля катла паставіць, – растлумачыў выбар падарунку мужчына.

Пазней берасцеец прызнаўся, што «палена» насамрэч – фрагмент косці і вязе ён яго не дачцэ, а «калегу». За перавозку незаконнага грузу праз мяжу яму паабяцалі заплаціць на польскім баку 20 даляраў узнагароды.

Паводле вынікаў праверкі эксперты пацвердзілі: у торбе мужчыны знайшлі, як мяркуецца, фрагменты біўня і косці маманта, якія маюць палеанталагічнае значэнне. Такія знаходкі звычайна класіфікуюцца як аб'екты культурнай і прыроднай спадчыны, увоз якіх у ЕЗ патрабуе спецыяльных дазволаў.

Паводле факту незаконнага ўвозу парэшткаў маманта праводзіцца праверка.