Трамп зрабіў новую заяву пра сустрэчу з Зяленскім і Пуціным

• 25.07.2025, 19:31

Паводле словаў Трампа, такая сустрэча павінна была адбыцца яшчэ тры месяцы таму.

Прэзідэнт ЗША Дональд Трамп пацвердзіў, што зацікаўлены ў трохбаковай сустрэчы з прэзідэнтам Украіны Уладзімірам Зяленскім і расейскім дыктатарам Пуціным.

Такую заяву ён зрабіў падчас размовы з журналістамі перад паездкай у Шатландыю.

– Гэта сапраўды адбудзецца. Такая сустрэча павінна была адбыцца яшчэ 3 месяцы таму, – сказаў ён.

Вядома, што падчас візіту Трампа ў Шатландыю ён сустрэнецца з прэм'ер-міністрам Вялікай Брытаніі Кірам Стармерам. Галоўная мэта візіту – абмеркаванне гандлёвага пагаднення паміж Вашынгтонам і Лонданам.

Прэзідэнт ЗША абвясціў, што плануе закончыць свой візіт у Шатландыю 29 ліпеня.