У Берасцейкай вобласці згарэў адзін са старэйшых храмаў рэгіёну

• 24.07.2025, 18:27

Унікальны твор народнай архітэктуры Палесся знішчаны поўнасцю.

У аграгарадку Сцяпанкі Жабінкаўскага раёна Берасцейкай вобласці цалкам згарэла царква Святога Арханёла Міхаіла. Гэта была адна з найстарэйшых драўляных цэркваў рэгіёну, пабудаваная ў 1780 годзе, піша Telegram-канал «Жабінка | афіцыйна».

Пажар адбыўся днём у чацвер, 24 ліпеня. У ліквідацыі ўзгарання бралі ўдзел падраздзяленні МНС з некалькіх раёнаў і Берасце. Пацярпелых няма.

Ратавальнікі сумесна з мясцовымі жыхарамі эвакуяавалі матэрыяльныя каштоўнасці з храма. У царкве захоўвалася некалькі старажытных абразоў, датаваных XVIII і XIX стагоддзямі.

Прычыны пажару высвятляюцца, праваахоўныя органы праводзяць праверку.

Царква Святога Міхала Арханёла - гісторыка-культурны аб'ект Беларусі і значны элемент культурнай памяці для рэгіёна. Храм быў рэканструяваны ў 1858 годзе. Гэта помнік драўлянага дойлідства другой катэгорыі.