На выездзе з Менска пачаліся праблемы з дарожным рухам

• 24.07.2025, 15:58

Фура перацяла некалькі палос.

Праз ДТЗ на Смалявіцкім тракце абцяжараны рух транспарту з боку вуліцы Сяліцкага ў кірунку паселішча Сосны.

Мяркуючы з фота, адразу некалькі палос перацятыя грузавым аўтамабілем, пашкоджаная раздзяляльная агароджа, піша onliner.by.

У каментарах кіроўцаў на "Яндэкс.Картах" пацвярджаецца, што перацятыя другі і трэці шэрагі. На адцінку ад вуліцы Сяліцкага да развязкі на Сосны — затор.