Беларусаў заклікалі праверыць купюры на наяўнасць пяці надпісаў

• 24.07.2025, 19:17

Якія наміналы найперш?

Ва УУС Берасцейскага аблвыканкама заклікалі беларусаў праверыць свае грошы на наяўнасць пэўных 5 надпісаў. Калі сустрэнецца хоць адзін з такімі словамі, гэтай купюрай разлічвацца ў краме альбо мяняць яе ў банку дакладна не варта.

Гаворка пра сувенірныя банкноты, якія вельмі падобныя да сапраўдных. Але, вядома, ёсць важнае адрозненне. Гэта надпісы, якія выдаюць фальшыўку:

«Дублёў»

«Цублеў»

Souvenir money of Belarus.

«Квіток банка прыколаў»

«Не з'яўляецца аплатным сродкам»

Праваахоўнікі параілі беларусам уважліва правяраць рэшту, асабліва купюры наміналам 5, 50 і 200 рублёў: іх падрабляюць часцей за ўсё. Калі вы ўбачылі ў краме падробленую купюру, трэба адразу паведаміць пра гэта адміністратару аб'екта або патэлефанаваць у міліцыю на нумар 102. А калі знайшлі на дварэ - знішчыць.