Самалёт Ан-24, які знік у Амурскай вобласці РФ, разбіўся

• 24.07.2025, 10:09

На борце знаходзіліся 49 чалавек.

У Амурскай вобласці Расеі разбіўся пасажырскі самалёт Ан-24. На борце знаходзіліся 49 чалавек. Самалёт рэйса Хабараўск-Благавешчанск-Тында знік пры заходзе на другое кола для пасадкі ў аэрапорце пункта прызначэння, у выніку яго знайшлі за 15 кіламетраў. Сярод пасажыраў — пяцёра дзяцей.

Рэйс выконвала Іркуцкая авіякампанія «Ангара». Ан-24 быў выраблены амаль 50 гадоў таму, а яго сертыфікат лётнай прыдатнасці быў падоўжаны да 2036 года, піша ТАСС. Апошняя праверка авіякампаніі праводзілася Растранснаглядам у ліпені 2025 года.

Абгарэлы фюзеляж знойдзены з паветра, паведамілі ў МНС. Ён разбураны. Ідзе першаснае абследаванне, паведамілі РІА «Новости» ў цэнтры забеспячэння грамадзянскай абароны і пажарнай бяспекі рэгіёну.