У «Барселону» ўпершыню за 36 гадоў перайшоў ангельскі футбаліст

• 23.07.2025, 21:03

На правах арэнды.

Форвард ангельскага «Манчэстэр Юнайтэд» Маркус Рэшфард перайшоў у «Барселону» на правах арэнды. Пра гэта каталонскі клуб паведаміў на старонцы X.

27-гадовы Рэшфард падпісаў з клубам кантракт на адзін сезон, у ім прадугледжваецца опцыя выкупу.

З моманту сыходу Гары Лінекера з «Барселоны» ў 1989 годзе Маркус Рэшфард – першы ангельскі футбаліст, які далучыўся да клуба.

Ангельскі нападнік Маркус Рэшфард з'яўляецца выхаванцам «Манчэстэр Юнайтэд». У мінулым сезоне ён быў аддадзены ў арэнду «Астан Віле».

У складзе «Манчэстэр Юнайтэд» Рэшфард двойчы атрымліваў Кубак Англіі і Кубак лігі, а таксама заваёўваў тытул пераможцы Лігі Еўропы і Суперкубка Англіі.