У акупаваным Крыме прагрымелі выбухі

• 23.07.2025, 20:23

Паўвостраў, верагодна, атакуюць дроны.

У часова акупаваным Крыме ў сераду, 23 ліпеня, увечары мясцовыя жыхары пачулі выбухі. Паўвостраў, верагодна, атакуюць дроны.

Пра гэта паведамляе «Крымскі вецер» у Telegram.

«Крымскі вецер» звярнуў увагу, што ў прапагандысцкіх каналах з'явілася інфармацыя пра масаваны напад дронаў на Крым.

Пры гэтым у сетцы з'явілася фота ўдарнага дрона, які, як сцвярджаецца, ляцеў у бок аэрадрома «Бельбек».

У прапагандысцкіх каналах таксама пішуць пра шэраг выбухаў у Севастопалі. На гэтым фоне ў мясцовых жыхароў адключылі інтэрнэт.

Жыхароў Севастопаля заклікаюць «пакінуць пляжную зону».

Атаку пацвярджае і так званы «губернатар» Севастопаля Міхаіл Разважаеў. Паводле ягоных словаў, СПА нібыта знішчыла шэсць дронаў. Тры з іх – у раёне аэрадрома «Кача».