Сабаленка адмовілася гуляць разам з тэнісістам з Расеі

• 23.07.2025, 15:06

Беларуска выбрала балгарына.

Расейскі тэнісіст Карэн Хачанаў прызнаўся, што выношваў планы згуляць на Адкрытым чэмпіянаце ЗША ў змяшаным разрадзе разам з беларускай тэнісісткай Арынай Сабаленка. Аднак яны былі нязбытныя.

«Калі казаць пра партнёрак, то я б хацеў згуляць з Арынай Сабаленкай або Аленай Рыбакінай. Такія варыянты былі з самага пачатку, але дзяўчаты ўжо былі занятыя», – паведаміў у інтэрв'ю выданню «Чэмпіянат» 16-ы нумар мужчынскага адзіночнага рэйтынгу.

Сабаленка ж апынулася занятая з 20-й ракеткай свету Грыгорам Дзімітровым з Балгарыі. Ён крыху раней дамовіўся з Арынай аб супольным выступе на US Open. Хоць і не факт, што гэта атрымаецца напэўна. Пакуль Дзімітроў аднаўляецца пасля траўмы.