СМІ: Украіна правядзе ў Турцыі яшчэ адну сустрэчу, без расейцаў

• 23.07.2025, 14:45

Частка дэлегацыі знаходзіцца ў Анкары, іншая частка - у Стамбуле.

Украінская дэлегацыя ўжо прыбыла ў Турцыю. Частка перамоўнай групы знаходзіцца ў Анкары для асобнай сустрэчы з турэцкім бокам.

Пра гэта распавяла праінфармаваная крыніца РБК-Украіна.

Са слоў крыніцы, частка ўкраінскай дэлегацыі знаходзіцца ў Анкары, іншая ж - у Стамбуле, у залежнасці ад ускладзеных задач.

Спачатку могуць адбыцца перамовы ў Анкары з турэцкім бокам, без расейцаў. Ужо пасля гэтага - у Стамбуле з расейскай дэлегацыяй.

Трэці раўнд перамоў Украіны і Расеі: што вядома

На працягу апошніх месяцаў Украіна і Расейская Федэрацыя (РФ) правялі ўжо два раўнды перамоў. Трэці - чакаецца ўжо сёння, 23 ліпеня. Тым часам прэзідэнт Украіны Уладзімір Зяленскі зацвердзіў склад украінскай дэлегацыі, якую ўзначальвае сакратар Рады нацыянальнай бяспекі і абароны (РНБА) Рустэм Умераў.

Як распавяла крыніца РБК-Украіна, украінскі бок плануе абмеркаваць магчымую сустрэчу прэзідэнта Уладзіміра Зяленскага і дыктатара Уладзіміра Пуціна. У Крамлі сцвярджаюць, што іх сустрэча магчымая пасля ўзгаднення праектаў мэмарандумаў Кіева і Масквы.