У Драздах прадаецца дызайнерская кватэра на тры паверхі

• 23.07.2025, 14:00

Стаў вядомы яе кошт.

У элітным раёне Менска, дзе жыве шмат высокапастаўленых чыноўнікаў і буйных бізнэсоўцаў, на продаж выставілі трохузроўневую кватэру, піша realt.by.

Кватэра размешчаная на трох паверхах і мае плошчу амаль 200 м2. Яна знаходзіцца ў завулку Дароўскім у цагляным доме таўнхаўснага тыпу, пабудаваным у 2013 годзе.

У кватэры чатыры паасобныя пакоі, два санвузлы, балкон і два машына-месцы ў гаражы. Вышыня столяў - 3 метры. Адзначаецца наяўнасць дарагога дызайнерскага рамонту і высокі ўзровень камфорту.

Як паказана ў кароткім апісанні, аб'ект можа пасаваць тым, хто шукае адасобленую загарадную атмасферу з блізкасцю да цэнтра горада.

Кошт жылля складае 2 189 175 рублёў, што эквівалентна прыкладна 750 тысячам даляраў. Кошт за квадратны метр - блізу 3759 даляраў, або 10 972 рублі.

Нагадаем, у Драздах пабудавалі катэджы многія высокапастаўленыя чыноўнікі, некаторыя вядомыя спартоўцы і набліжаныя да Лукашэнкі бізнэсоўцы.