Здабычу каменнай солі аднаўляюць ў адным з найстарэйшых радовішчаў ва Украіне

• 22.07.2025, 18:38

Прадпрыемства будзе сучаснае, экалагічна бяспечнае і эфектыўнае.

У Івана-Франкоўскай вобласці рыхтуюцца да аднаўлення здабычы солі ў Далінскім радовішчы. Пра гэта паведаміў гарадскі галава Далінскай тэрытарыяльнай абшчыны Іван Дырыў.

Цяпер ідзе праца ў аднаўленні здабычы солі з радовішча: распрацоўваюць праект і праводзяць ацэнку ўздзеяння на навакольнае асяроддзе.

"Нарэшце, пасля дзесяцігоддзяў заняпаду, ёсць надзея на вяртанне былой славы Далінскай солі", - адзначыў Дырыў.

У распрацоўцы праекта будучага солевыварачнага завода ўдзельнічаюць спецыялісты Дзяржаўнага інстытута асноўнай хіміі "НІОХІМ". Чакаецца, што прадпрыемства будзе сучаснае, экалагічна бяспечнае і эфектыўнае.

Спецдазвол для здабычы каменнай солі (галіта) з радовішча ў 2023 годзе атрымала харкаўская кампанія “Планета камфорт”. Яе кіраўнік, паводле слоў мясцовых уладаў, ставіцца да праекта сур'ёзна і скрупулёзна.

Далінскае радовішча з’яўляецца адным з найстарэйшых ва Украіне. Соль там пачалі здабываць яшчэ ў дзясятым стагоддзі.