Нямеччына падтрымала намаганні Польшчы ў супрацьдзеянні нелегальнай міграцыі з Беларусі

• 22.07.2025, 16:15

Мяжу цяпер ахоўвае 11 тысяч памежнікаў.

Міністр унутраных спраў Нямеччыны Аляксандр Добрынд падтрымаў намаганні Варшавы ў супрацьдзеянні нелегальнай міграцыі праз мяжу з Беларуссю, вынікае з паведамлення памежнай аховы Польшчы.

21 ліпеня Дабрынд сустрэўся з міністрам унутраных спраў і адміністрацыі Польшчы Томашам Семаняком на памежным пераходзе Палоўцы (з беларускага боку Пясчатка).

На сустрэчы кіраўнікі ведамстваў падкрэслілі «важнасць каардынацыі дзеянняў дзяржаў-чальцоў ЕЗ у адказ на міграцыйны ціск», гаворыцца ў паведамленні.

На думку Добрында, дзеянні Польшчы на мяжы з Беларуссю «неверагодна ўражваюць». «Мы бачым, наколькі эфектыўна вы змагаецеся з нелегальнай міграцыяй. Мы хочам, каб Еўразвяз НАДАЎ Польшчы фінансавую і арганізацыйную падтрымку», — заявіў нямецкі чыноўнік.

«Разам з Нямеччынай, Францыяй, Аўстрыяй, Чэхіяй і Даніяй мы ўзгаднілі кірунак міграцыйнай палітыкі ЕЗ на міграцыйным саміце на Цугшпіце (ФРГ). Тут, на мяжы, мы паказваем, што нашы дзеянні канкрэтныя і эфектыўныя», — падкрэсліў у сваю чаргу Семаняк.

Паводле ягонага сцвярджэння, Варшава эфектыўна забяспечвае бяспеку на ўсходняй мяжы ЕЗ, робячы «канкрэтныя дзеянні ў вялікіх маштабах».

Семаняк паведаміў, што мяжу цяпер ахоўвае 11 тысяч памежнікаў, эфектыўнасць прынятых мер складае 97-98%.

21 ліпеня паведамлялася, што Польшча закончыла будаўніцтва электроннага бар'ера на ўсіх адцінках мяжы з Беларуссю, дзе няма сталёвай агароджы.

У Падляскім ваяводстве на 186 кіламетрах мяжы з Беларуссю ўстаноўлена сталёвая агароджа вышынёй 5,5 метра, а на 206 кіламетрах (уключаючы рачныя адцінкі) — электронны бар'ер.

У Люблінскім ваяводстве, са слоў Семаняка, праводзяцца «прыёмачныя выпрабаванні», гэта значыць фінальная праверка электроннага бар'ера даўжынёй 172 км на рацэ Заходні Буг (у Польшчы — Буг).