Беларуска здабыла бронзавы медаль на ЧС у водных відах спорту

• 22.07.2025, 11:11

Васіліна Хандошка выступала ў нейтральным статусе.

У Сінгапуры працягваецца чэмпіянат свету ў водных відах спорту, на якім беларускія спартоўцы выступаюць у нейтральным статусе, паведамляе «Точка».

У аўторак, 22 ліпеня, прайшоў фінал адвольнай праграмы ў артыстычным плаванні.

Беларуска Васіліна Хандошка паказала высокі вынік, набраўшы 239,5437 бала.

Такі паказчык прынёс ёй бронзавы медаль.

Перамогу атрымала гішпанская спартоўка Ірыс Ціа Касас з вынікам 245,1913 бала.

Другое месца заняла прадстаўніца Кітая Сюй Хуэйань, якая набрала 241,0025 бала.