Bloomberg: Імперыя Маска трашчыць па швах

• 21.07.2025, 15:02

Tesla, SpaceX і xAI перажываюць цяжкія часы.

Імперыя мільярдэра Ілана Маска — ад Tesla і SpaceX да xAI - перажывае цяжкія часы на фоне палітычных скандалаў, страт на біржы і ўнутраных канфліктаў. Пасля нядаўняга канфлікту з прэзідэнтам ЗША Дональдам Трампам, Маск апынуўся пад палітычным і фінансавым ціскам.

Tesla страчвае пазіцыі: продажы электрамабіляў падаюць, акцыі ўпалі больш чым на 30%, а запуск робатаксі быў няўдалым. Замест абяцаных тысяч аўто працуе толькі 10-20, кожная патрабуе ўдзелу двух аператараў. Новы падатковы закон Трампа касуе льготы на куплю электрамабіляў і можа пазбавіць Tesla паловы гадавога прыбытку.

SpaceX таксама пад ударам. Пасля таго як Маск у сацсетках назваў Трампа суўдзельнікам злачынстваў Джэфры Эпштэйна, той паабяцаў пазбавіць SpaceX дзяржпадтрымкі. Маск прыстрашыў згарнуць праект Dragon - крытычна важны для дастаўкі астранаўтаў на МКС. Пазней ён адмовіўся ад пагроз, але напружанне з урадам захоўваецца.

XAI-стартап Маска ў галіне штучнага інтэлекту - таксама выклікае пытанні. Яго чат-бот Grok кжо абвінавачаны ў распаўсюдзе антысеміцкіх ідэй. Пры гэтым кампанія плануе выдаткаваць $13 млрд пры даходзе $500 млн. xAI фінансуецца ў тым ліку за кошт SpaceX, а цяпер Маск плануе залучыць і сродкі Tesla, чым устурбаваў інвестараў.

Аналітыкі заклікаюць раду дырэктараў Tesla ўмяшацца, але Маск намагае на сваім. Яго непрадказальнасць і канфлікты падрываюць устойлівасць яго кампаній, і ўсё больш экспэртаў мяркуюць: галоўнай пагрозай імперыі Маска стаў сам Маск.