У Беларусі знайшлі авечку, заражаную шаленствам

• 21.07.2025, 12:36

З ёй кантактаваў чалавек.

У Беларусі за мінулы тыдзень з 14 да 20 ліпеня 16 чалавек трапілі пад назіранне лекараў праз выпадкі шаленства жывёлы, паведамляе Міністэрства аховы здароўя.

Агулам хворых асобін было дзве — у Магілёўскай і Віцебскай абласцях. У першым выпадку людзі кантактавалі з бяздомным катом. Другі ж выявіўся больш нечаканым — на шаленства захварэла авечка.

Усе, хто трапіў пад рызыку, атрымліваюць неабходнае лячэнне, каб не заразіцца. Бо шаленства — гэта смяротнае захворванне, ратуе ад якога толькі своечасовая антырабічная дапамога.

Акрамя таго, санітарная служба і работнікі Міністэрства аховы здароўя далей кантралююць сітуацыю, усе неабходныя захады ўжо зробленыя.