Беларусбанк абмяжуе зняцце гатоўкі

• 21.07.2025, 16:21

Ужо з 4 жніўня.

З 4 жніўня 2025 года Беларусбанк уводзіць абмежаванні на зняцце гатовых грашовых сродкаў з банкавых картак.

Для картак лінейкі «Аксаміт» дзённы ліміт складзе 600 рублёў, для астатніх картак банка — не больш за 1000 рублёў штодзень.

Калі кліенту спатрэбіцца зняць суму, якая перасягае ўстаноўленую граніцу, ён можа звярнуцца ў кантакт-цэнтр на кароткі нумар 147 або асабіста наведаць найбліжэйшае аддзяленне Беларусбанка для часовага скасавання ліміту.

У банку растлумачылі, што такія захады накіраваныя на павышэнне бяспекі і абарону кліентаў ад ашуканскіх дзеянняў.