Мэдыі: Вялікая Брытанія рыхтуецца да вайны з Расеяй

• 21.07.2025, 11:39

Яна можа пачацца ў найбліжэйшыя пяць гадоў.

Вялікая Брытанія мае рыхтавацца да магчымай вайны з Расеяй на працягу найбліжэйшых пяці гадоў, папярэдзіў былы кіраўнік брытанскага войска генерал сэр Патрык Сандэрс. Ён заявіў, што Расея разглядае Лондан як "ворага нумар адзін" праз яго вядучую ролю ў падтрымцы Украіны, піша National Security Journal (пераклад — сайт Charter97.org).

Сандэрс раскрытыкаваў урад за адсутнасць інвестыцый у цывільную абарону, у тым ліку будаўніцтва бамбасховішчаў і выраб сістэм СПА. Ён адзначыў, што войска краіны занадта малалікае, каб вытрымаць працяглы ўзброены канфлікт.

Паводле ягоных слоў, калі Расея закончыць баявыя дзеянні ва Украіне, то ўжо пад 2030 год яна будзе здольная нанесці абмежаваны ўдар па дзяржаве-сябру NATO. Гэта можа прычыніцца да таго, што будзе ўжыты артыкул 5 Паўночнаатлянтычнага пакту, які прадугледжвае калектыўны адказ альянсу.

Сандэрс таксама падкрэсліў неабходнасць новых укладанняў у Сістэмы абароны цывільнай інфраструктуры — газавыя сховішчы, электрастанцыі і дата-цэнтры. Ён заклікаў улады не адкладаць удзел у падрыхтоўцы ўкраінскіх войскаў, прапанаваўшы накіраваць брытанскіх інструктараў у заходнюю частку краіны ўжо цяпер.

Асаблівую ўстурбаванасць у генерала выклікае ўзровень падрыхтоўкі ўкраінскіх жаўнераў. "Пяць тыдняў падрыхтоўкі — гэта больш, чым атрымліваюць расейскія жаўнеры, але значна менш у параўнанні з падрыхтоўкай хаўруснікаў у Другой сусветнай вайне», — адзначыў ён.

Сандэрс мяркуе, што Вялікая Брытанія стала адной з галоўных цэляў Крамля дзеля сваёй здольнасці кансалідаваць міжнароднае меркаванне і дыпламатычна ўплываць на хаду глабальных падзей.