На Магілёўшчыне 15-гадовая беларуска заразілася на рэдкую і небяспечную хваробу ад ката

• 2.07.2025, 18:33

У дзяўчыны дыягнаставалі тулярэмію.

У Магілёўскай вобласці ў чэрвені гэтага года 15-гадовая дзяўчынка заразілася тулярэміяй, паведаміў абласны цэнтр гігіены і эпідэміялогіі. Гэта рэдкае захворванне, асноўнымі носьбітамі якога з'яўляюцца грызуны. У дадзеным выпадку інфекцыя "прыйшла" ад свойскага ката.

У чэрвені 2025 года ў Магілёўскай вобласці зарэгістраваны выпадак тулярэміі ў дзяўчынкі 15 гадоў. Заразілася яна ад хатняга ката, а той інфікаваўся ад мышэй.

«Інфікаванне адбылося, верагодней за ўсё, пасля кантакту з катом, калі праз рукі была інфікаваная слізістая абалонка вачэй і, як следства, развілася вокабубоная форма тулярэміі, пацверджаная лабараторна», - паведаміла санэпідслужба.

Як адзначаецца, на Магілёўшчыне штогод рэгіструюцца адзінкавыя выпадкі захворвання на тулярэмію. А колькасць грызуноў з узбуджальнікам тулярэміі (бактэрыя Francisella tularensis) у рэгіёне ў 2024 годзе склала 2,6%, на асобных тэрыторыях - да 10%.

Што такое тулярэмія і як засцерагчыся

Тулярэмія - вострая інфекцыя, якая паражае лімфатычныя вузлы, скуру, часам слізістыя абалонкі вачэй, носа, горла, лёгкія і страўнікава-кішачны тракт. Тулярэмія працякае з выяўленымі сімптомамі агульнай інтаксікацыі, працяглай ліхаманкай, павелічэннем лімфатычных вузлоў.

Бактэрыя-ўзбуджальнік тулярэміі даволі жывучая (выжывае да 10 месяцаў без носьбіта) і высокагапатагенная - у арганізм 10-50 бактэрый прыводзіць да развіцця інфекцыі. Аднак мікроб адчувальны да сонечнага святла, высокай тэмпературы і дэзінфекцыі.

Крыніцай інфекцыі звычайна з'яўляюцца грызуны - ад мышэй да зайцоў і баброў. Пераносяць інфекцыю таксама і кляшчы, сляпні, камары. Ад чалавека да чалавека не перадаецца.

Звычайна інкубацыйны перыяд - 3-7 содняў. Тулярэмія любой лакалізацыі звычайна пачынаецца з павышэння тэмпературы цела да 38-40℃, развіцця інтаксікацыі, якая праяўляецца слабасцю, болямі ў цягліцах, галаўным болем. Пры аглядзе адзначаецца пачырваненне твару, вачэй і слізістых абалонак рота, насаглоткі. У некаторых выпадках выяўляюць сып на скуры рознага тыпу. Ліхаманка доўжыцца ад 6 да 30 дзён

Прыродныя асяродкі тулярэміі распаўсюджаныя на ўсіх кантынентах паўночнага паўшар'я. Рост захворвання назіраецца ў гады росту колькасці грызуноў.