Вайна ўдарыла бумерангам: у Расеі пачаліся забастоўкі

• 2.07.2025, 19:18

Расейцы выходзяць на вуліцы пратэставаць.

У Расеі абураныя расейцы, якія працуюць на прадпрыемствах, выходзяць на забастоўкі. Пра гэта паведамілі ў Службе знешняй выведкі Украіны.

Адзначаецца, што на расейскіх прадпрыемствах усё часцей сталі затрымліваць выплаты заробку, адпраўляць работнікаў у пазапланавыя водпускі, скарачаць персанал або пераводзіць працаўнікоў на 4-дзённы працоўны тыдзень.

Так, нядаўна забастоўкі прайшлі на камчацкім прадпрыемстве "ЗапсібГазпрам-Газіфікацыя", у Кемераўскай вобласці ў шахце "Спірыдонаўская", а таксама на Чалябінскім электраметалургічным камбінаце.

"Крызіс на прадпрыемствах сёння найбольш ярка выяўлены ў вуглездабыўнай, будаўнічай, металургічнай галінах і ў сельскагаспадарчым машынабудаванні", - гаворыцца ў паведамленні.

У СЗРУ дадалі, што ў Расеі спрабуюць схаваць маштаб незадаволенасці працаўнікоў з прычыны адключэння інтэрнэту, блакавання сацыяльных сетак і жорсткай цэнзуры медыя.

«Расея баіцца, што праблемы у медыя могуць прывесці да каскаднага эфекту забастовак на ўсёй тэрыторыі Расеі», - адзначылі ў ведамстве.

У выведцы нагадалі, што 69% расейскай эканомікі адчувае стагнацыю і паплечнікі Пуціна ціснуць на Цэнтрабанк праз зніжэнне прыбыткаў.