Reuters: Іран рыхтаваўся замініраваць Армузскі праліў
- 2.07.2025, 9:12
Праз яго праходзіць амаль 20 працэнтаў глабальных паставак нафты і газу.
Іран у разгар 12-дзённага вайсковага канфлікту з Ізраілем збіраўся замінаваць Армузскі праліў, праз які праходзіць амаль 20% глабальных паставак нафты і газу, паведамілі Reuters знаёмыя са звесткамі амерыканскай разведкі. З іх слоў неўзабаве пасля пачатку паветраных удараў Ізраіля іранскія вайскоўцы пагрузілі марскія міны на судны ў Персідскім заліве. Гэта ўзмацніла асцярогі Вашынгтона, што Тэгеран сур'ёзна мае намер заблакаваць адзін з самых загружаных у свеце суднаходны шляхоў і выклікаць цяжкасці для сусветнага гандлю. У выніку міны не былі ўсталяваныя ў праліве, аднак дагэтуль незразумела, ці выгрузілі іх з суднаў.
Суразмоўцы Reuters дапусцілі, што Іран насамрэч не збіраўся мінаваць праліў, але выкарыстаў гэтую пагрозу як выкрут, каб паўплываць на ЗША. Тым не менш парламент Ірана прагаласаваў за блакіроўку праходу пасля таго, як ЗША атакавалі тры ядравыя аб'екты ў краіне. Пры гэтым канчатковае рашэнне павінна была прыняць Вышэйшая рада нацыянальнай бяспекі ісламскай рэспублікі, але яна гэтага не зрабіла. У Белым доме заявілі, што Армузскі праліў застаецца адкрытым дзякуючы "бліскучаму правядзенню аперацыі "Паўночны молат", якая "значна аслабіла" Іран, а таксама паспяховай кампаніі супраць хусітаў.
Армузскі праліў злучае Персідскі і Аманскі залівы ў Аравійскім моры. Ён знаходзіцца паміж Іранам і Аманам і ў асноўным належыць да тэрытарыяльных вод гэтых дзвюх краін. Савудаўская Арабія, ААЭ, Кувейт і Ірак экспартуюць большую частку сваёй сырой нафты праз праліў. Паводле звестак Vortexa, з пачатку 2022-га да траўня 2025 года дзённая плынь складала ад 17,8 да 20,8 млн барэляў. Гэтыя пастаўкі ідуць у асноўным у Азію. Таксама праз праліў праходзіць амаль увесь экспарт звадкаванага прыроднага газу з Катара - аднаго з найбуйнейшых у свеце пастаўшчыкоў.
Блакаванне Армузскага праліва магло прывесці да рэзкага росту сусветных коштаў на энэрганосьбіты, адзначае Reuters. Кіраўнік МЗС Ірака папярэджваў аб магчымым росце коштаў нафты да $200-300 за барэль у выніку страты прыкладна 5 млн барэляў нафты ў дзень з Персідскага заліва.