Партызаны ў Севастопалі раскрылі сур'ёзную праблему войска РФ

• 19.07.2025, 16:23

Мабілізацыя яе не кампенсуе.

Расея ў часова акупаваным Севастопалі на базе захоўвання 810-й брыгады марской пяхоты разгарнула палявы шпіталь. Партызанскі рух «Атэш» высветліў прычыну такой пастановы.

На базе цяпер знаходзіцца тэхніка і частка асабовага складу на аднаўленні. Шпіталь акупанты пастанавілі разгарнуць праз нястачу месцаў для медыцынскай дапамогі.

«Брыгада сутыкнулася з сур'ёзным дэфіцытам асабовага складу пасля панесеных стратаў, і даўкамплектаванне за кошт прыхаванай мабілізацыі яго не кампенсуе», – гаворыцца ў паведамленні.

У Атэш адзначылі, што на базе ёсць вялікая колькасць вайскоўцаў з раненнямі і траўмамі – многія з іх да гэтага часу перамяшчаюцца на мыліцах і праходзяць лячэнне на месцы.