У Польшчы адбылася сур'ёзная хіба ў сістэме кіравання паветраным рухам

• 19.07.2025, 13:48

Першым пра гэта паведаміў варшаўскі аэрапорт імя Фрэдэрыка Шапэна.

У Польшчы праз сур'ёзную хібу ў сістэме кіравання паветраным рухам гавораць аб немагчымасці выконваць ўзлёты самалётаў у некаторых аэрапортах.

Пра гэта паведамляе RMF24 .

Першым пра хібы паведаміў варшаўскі аэрапорт імя Фрэдэрыка Шапэна.

«У сувязі з хібай інфармацыйных сістэм Польскага агенцтва паветранага руху (PAŻP) на тэрыторыі ўсёй краіны цяпер немагчыма выконваць узлёты самалётаў. Пасадкі цяпер ажыццяўляюцца ў адпаведнасці з працэдурамі», – адзначылі ў варшаўскім аэрапорце.

Пасля інфармацыю пра хібы пацвердзіў прадстаўнік Польскага агенцтва паветранага руху (PAŻP) Марцін Гадай.

«Раніцай адбылася хіба ў сістэме кіравання паветраным рухам; самалёты прызямляюцца, але ў некаторых польскіх аэрапортах уведзеныя абмежаванні на ўзлёты», – сказаў ён.