Сустрэча Пуціна, Сі і Трампа ў Кітаі: у Крамлі зрабілі заяву

• 19.07.2025, 10:15

Пяскоў пракаментаваў публікацыю The Times.

У Крамлі зрабілі заяву з нагоды магчымай сустрэчы расейскага дыктатара Уладзіміра Пуціна з прэзідэнтам ЗША Дональдам Трампам і кіраўніком Кітая Сі Цзіньпінам.

"Мы нічога не ведаем пра магчымасць такой сустрэчы",-сказаў прэс-сакратар Крамля Дзмітрый Пяскоў у каментары расейскаму ТАСС.

Такім чынам ён пракаментаваў публікацыю The Times, у якой меркавалася, што сустрэча Трампа, Пуціна і Сі можа адбыцца ў верасні ў Кітаі на парадзе з нагоды заканчэння Другой сусветнай вайны.

Выданне адзначала, што Пуцін ужо атрымаў запрашэнне на мерапрыемства і прыняў яго, і меркавалася, што Сі плануе накіраваць запрашэнне і Трампу.

У той жа час адзначалася, што Трамп наўрад ці прыме гэтае запрашэнне, паколькі аддасць перавагу сустрэцца з двума іншымі лідарамі на тэрыторыі ЗША.