Келаг раскрыў дэталі размовы з Зяленскім

• 14.07.2025, 20:41

Спецпрадстаўнік прэзідэнта ЗША паабяцаў пастаўкі Кіеву «найлепшага» ўзбраення.

Спецпрадстаўнік прэзідэнта ЗША Кіт Келаг раскрыў дэталі сваёй размовы з прэзідэнтам Украіны Уладзімірам Зяленскім падчас свайго візіту ў Кіеў 14 ліпеня.

Пра гэта Келаг напісаў у Twitter.

«Сёння ў Кіеве з Зяленскім абмяркуем знакавае пагадненне Дональда Трампа з NATO, якое паскорыць пастаўкі найлепшага амерыканскага ўзбраення ва Украіну», – напісаў Келаг.

Паводле ягоных словаў, гэтае пагадненне будзе поўнасцю прафінансаванае чальцамі Альянсу і дасць магчымасць паскорыць пастаўкі ўзбраення Украіне. Яно таксама падтрымае абароназдольнасць Украіны і ўмацуе адзінства NATO.