Мянчанка заказала дастаўку кветак праз Instagram, але замест букета атрымала нечаканку

• 13.07.2025, 13:37

Давялося ісці ў міліцыю.

Мянчанка трапілася на тыповы выкрут ашуканцаў, якія прадаюць кветкі ў сацсетках, і страціла грошы, давялося ісці ў міліцыю. Пра гэта паведамляе тэлеграм-канал «Міліцыя Менска».

Жанчына ўбачыла ў Instagram аб'яву пра продаж кветак і напісала прадаўцу. Той адказаў, што аформіць замову можна толькі калі ўнесці 100% перадаплату, мянчанка пагадзілася.

«Пасля гэтага махляр адправіў спасылку на сайт для аплаты дастаўкі. Пацярпелая ўвяла рэквізіты сваёй банкаўскай карты і страціла грошы – больш за 200 рублёў», – расказалі ў міліцыі.

Паводле факта махлярства пачатая крымінальная справа.

Беларусам нагадалі таксама, што часцей за ўсё ашуканцы завабліваюць патэнцыйных ахвяраў надта нізкімі коштамі.