Прэс-сакратар ЦАХАЛу заклікаў іранцаў тэрмінова эвакуявацца

• 15.06.2025, 11:13

І не вяртацца да далейшага апавяшчэння.

15 чэрвеня прэс-сакратар ЦАХАЛу Авіхай Адраі на арабскай мове выступіў з тэрміновым папярэджаннем для жыхароў Ірана.

Як паведамляе Walla, ён заклікаў іранцаў, якія знаходзяцца на тэрыторыі або ў раёне заводаў вытворчасці зброі, а таксама ўстановаў, што дапамагаюць ім, тэрмінова эвакуявацца.

«Для вашай бяспекі мы просім вас неадкладна пакінуць тэрыторыю заводаў і не вяртацца да далейшага апавяшчэння. Знаходжанне побач з імі ставіць пад пагрозу вашы жыцці», – заявіў Адраі.