Амаль 700 парасят загінулі за дзень пад Лёзнам

• 16.05.2025, 12:32

Вінаватым называюць галоўнага інжынера фермы.

677 парасят загінулі на сельскагаспадарчым прадпрыемстве пад Лёзнам за адзін дзень. У МУС вінаватым называюць галоўнага інжынера, паведамляе "Еўрарадыё".

53-гадовы мужчына атрымліваў у мабільным дадатку на тэлефоне неаднаразовыя аўтаматычныя апавяшчэнні аб збоі ў сістэме клімат-кантролю свінакомплексу. Аднак ён ігнараваў іх.

«З-за крытычнага падвышэння тэмпературы ў рэпрадуктары менш чым за дзень загінула 677 парасят. Нанесеная прадпрыемству шкода перавысіла 150 тысяч рублёў», — заявілі ва УБЭЗ УУС Віцебскага аблвыканкама.

На галоўнага інжынера распачая крымінальная справа аб службовай халатнасці (ч. 1 арт. 428 КК). Яму пагражае да пяці гадоў пазбаўлення волі.