Абвугленае жалеза: Украінцы паказалі рэшткі збітага пад Тарэцкам расейскага Су-25

• 9.02.2025, 12:18

Відэафакт.

Украінскія абаронцы паказалі кадры знішчанага ў небе над Бахмутшчынай расейскага Су-25. Усё, што засталося ад варожага самалёта – гэта абвугленае жалеза.

Пра гэта паведамілі ў 28-й асобнай механізаванай брыгадзе імя Рыцараў Зімовага Паходу.

«Абвугленае жалеза – усё, што засталося ад расейскай “сушкі”», – адзначылі вайскоўцы.

Украінскія выведнікі знялі наступствы ўдалай працы воінаў зенітна-ракетнага падраздзялення 28-й АМБр і 57-га АБ ТрА, у выніку якой быў знішчаны расейскі Су-25.

«Фірмовая “зэтка”, якой так ганарацца акупанты, на адарваным крыле і раскіданыя на дзясяткі метраў кавалкі жалеза. Гэтая прыгажосць настолькі сагравае душу, што ад яе немагчыма адарвацца», – заявілі абаронцы Украіны.

Нагадаем, 8 лютага байцы 28 асобнай механізаванай брыгады імя Рыцараў Зімовага паходу збілі варожы Су-25 у раёне Тарэцка.