Трамп сам прэзентуе свой мірны план

• 6.02.2025, 17:30

Прэзентацыі на Мюнхенскай канферэнцыі не будзе.

Мірны план прэзідэнта ЗША Дональда Трампа для ўрэгулявання вайны РФ супраць Украіны не будзе прэзентаваны на наступным тыдні, як пра гэта паведамілі раней у СМІ, гэта адбудзецца пазней.

Пра гэта ў інтэрв'ю Newsmax заявіў спецпрадстаўнік ЗША ў пытаннях Украіны і Расеі Кіт Келаг.

Паводле словаў Келага, інфармацыя, што ён можа прэзентаваць план Трампа на Мюнхенскай канферэнцыі ў бяспецы, якая адбудзецца з 14 да 16 лютага, не адпавядае рэчаіснасці.

«Не, такіх планаў няма», – падкрэсліў Келаг.

Спецпрадстаўнік ЗША ў пытаннях Украіны і Расеі таксама ўдакладніў, калі і кім гэты план усё ж будзе абнародаваны:

«Чалавек, які прэзентуе “мірны план” – гэта прэзідэнт ЗША, а не Кіт Келаг. Мы будзем задзейнічаныя, дапаможам яму з гэтым».

Ён таксама запэўніў, што гэтага не адбудзецца на наступным тыдні.