Выведка Брытаніі: Студзень стаў для Расеі «чорным» месяцам

• 5.02.2025, 18:20

Горшы для акупантаў быў толькі снежань 2024-га года.

Брытанская выведка канстатавала, што студзень 2025 года стаў для Расеі другім найгоршым месяцам паводле страт сярод асабовага складу пасля снежня, і расейцы чакана і далей будуць страчваць у сярэднім больш за 1000 чалавек за дзень.

Пра гэта гаворыцца ў даследчым аглядзе Міністэрства абароны Вялікабрытаніі ад 5 лютага.

Выведка Брытаніі ў лічбах, якія прыводзіць Генштаб УСУ, канстатавала, што студзень 2025 года стаў для расейцаў другім найгоршым месяцам страт асабовага складу (48240 забітымі і параненымі), амаль зраўняўшыся з рэкорднымі паказчыкамі снежня 2024 года (48640 забітымі).

У сярэднім за дзень расейцы страчвалі 1556 чалавек, калі лічыць паводле статыстыкі, прыведзенай Генштабам УСУ (у снежні - 1570).

На гэты момант страты расейскіх вайскоўцаў з пачатку года перавысілі 50 тысяч чалавек, а з пачатку поўнамаштабнай вайны - 837 тысяч.

"Сярэднія страты расейцаў у лютым 2025 года магчыма і далей будуць складаць больш за 1000 чалавек на дзень, адлюстроўваючы высокія тэмпы аперацый і наступальных дзеянняў РФ", – адзначаюць у аглядзе.