Улада сябра Лукашэнкі вісіць на валаску

• Зміцер Балкунец
• 5.02.2025, 12:03

Мнангагва можа быць зрынуты сваім асяроддзем.

Прэзідэнт Зімбабвэ Эмерсан Мнангагва, вядомы пад мянушкай Кракадзіл і як блізкі сябар Аляксандра Лукашэнкі, афіцыйна вярнуўся да працы пасля адпачынку. Аднак ён вяртаецца з сур'ёзна падмочанай рэпутацыяй: яго віцэ-прэзідэнт Канстанціна Чывенга і вайсковая фракцыя ZANU-PF выкарыстоўвалі яго адсутнасць, каб прыслабіць яго пазіцыі і знішчыць яго палітычны імідж.

Ветэраны вайны, рэзервовая сіла войска, абвясцілі Мнангагве адкрытую вайну. Яны патрабуюць ягонай адстаўкі на фоне абвінавачванняў у карупцыі, эканамічным крызісе і няўдалым кіравання. Галоўны канфлікт — яго спроба дабіцца трэцяга прэзідэнцкага тэрміну, нягледзячы на рост незадаволенасці ў краіне.

Тым часам эканоміка Зімбабвэ разбураецца: буйныя гандлёвыя сеткі OK і N Richards закрываюць філіялы, інфляцыя выйшла з-пад кантролю, а ўрад адчайна ўводзіць новыя падаткі, спрабуючы залатаць бюджэтныя дзюры. Больш за 60% эканомікі ўжо сышло ў цень, што робіць сітуацыю яшчэ больш нестабільнай.

Лукашэнка і яго палюбоўніцы ляталі ў Зімбабвэ з цэлымі дэлегацыямі, укладаючы кантракты на пастаўкі тэхнікі. Аднак гэтыя грошы Беларусь не бачыць - плацяжы адразу сыходзяць на рахункі сям'і Лукашэнкі ў Дубаі.

Прэс-сакратар прэзідэнта Джордж Чарамба заявіў, што Мнангагва вярнуўся з намерам прыняць важныя эканамічныя пастановы. Аднак сітуацыя выходзіць з-пад яго кантролю, і шмат хто сумняваецца, што ён зможа ўтрымацца ва ўладзе.

Кракадзіл вярнуўся, але ці будзе досыць у яго сіл утрымаць здабычу, ці ён сам стане ахвярай палітычнай гульні?

Зміцер Балкунец, Telegram