Расея пачала адпраўляць шызафрэнікаў на фронт

• 5.02.2025, 9:54

У Мінабароны РФ перагледзелі спіс захворванняў, якія даюць адтэрміноўку.

Нават нягледзячы на вялікія страты на поле бою і цяжкасці з пошукам новых салдат, у РФ не хочуць праводзіць другую хвалю мабілізацыі.

Аналітыкі з Інстытута вывучэння вайны (ISW) прааналізавалі заявы чальцоў камітэта Дзярждумы РФ у гэтым пытанні.

Учора старшыня камітэта Дзярждумы РФ уабароне Андрэй Картапалаў заявіў, што цяпер няма патрэбы праводзіць недобраахвотны набор, бо ва УС РФ ёсць поспехі на полі бою.

Чалец камітэта Дзярждумы РФ у абароне Віктар Собалеў заявіў, што з 2022 года кантракты з Мінабароны РФ падпісалі 740 тысяч чалавек. Прымусовая мабілізацыя толькі пагоршыць сітуацыю, бо на полі бою будуць кінуты неспрактыкаваныя салдаты.

Першы намеснік старшыні камітэта Дзярждумы РФ у абароне Андрэй Красаў заявіў, што другая хваля мабілізацыі не патрэбная, бо ў вайсковых камісарыятах паспяхова набіраюць новых салдат. Такія заявы дэпутатаў Дзярждумы РФ зробленыя для зняцця страху ў грамадстве наконт другой хвалі мабілізацыі.

Аналітыкі з ISW заяўляюць, што ў Крамля ўсё ж ёсць праблемы з навабранцамі. Статыстычныя звесткі паказалі, што тэмпы набору навабранцаў у снежні 2024 года і студзені 2025 года роўныя ці ніжэйшы за штомесячныя страты войска Пуціна ва Украіне. Пры гэтым некаторыя суб'екты РФ ужо выканалі свае квоты ў наборы навабранцаў, бо няма ахвочых падпісваць кантракты з Мінабароны РФ.

На гэтым фоне Мінабароны РФ давялося ў тэрміновым парадку перапісаць пералік хвароб, якія раней не давалі магчымасць укладаць кантракты.

Сярод гэтых хвароб ёсць: пранцы, шызафрэнія, гіпертанія і афектыўныя разлады. Такая карціна ўскладніць дэмабілізавацца тым, хто ўжо падпісаў кантракты з Мінабароны РФ, а таксама ўскладніць атрымаць адмову, калі для іх прыйдзе позва.