Байцы «Азова» паказалі знішчэнне расейскага «Града»

• 16.02.2025, 16:43

Ператварылі ў феерверк.

Расейская РСЗА «Град» разам з поўным боекамплектам адправілася на баявое заданне. «Азоў» заўважылі цэль і знішчылі ворага.

Пра гэта паведамляе Telegram-канал 12-й брыгады спецыяльнага прызначэння "Азоў" НДУ.

Украінскія вайскоўцы знішчылі расейскую рэактыўную сістэму залпавага агню (РСЗА) «Град», якая накіроўвалася на баявое заданне з поўным "пакетам" ракет.

Аэравыведка 12-й брыгады спецыяльнага прызначэння "Азоў" своечасова выявіла варожую цэль з дапамогай БпЛА «Бусел».

Каардынаты перадалі аператару FPV-дрона, які з першага ўдару патрапіў у расейскую тэхніку. У выніку - магутная дэтанацыя боекамплекта, і замест абстрэлу ўкраінскіх пазіцый акупанты пацярпелі паразу.

На відэа паказалі працу брыгаднай артылерыйскай групы і батальёна беспілотных сістэм «Азова».